குறிப்புக்கள் - (Notes)
வேறுபாடுகள் - (Pathanthara)
² - தனயந்து₃ - நீயந்து₃
³ - ப₂லமந்து₃ கோரி - ப₂லமந்து₃ கோரு - ப₂லமந்து₃ கோர : அனைத்து சரணங்களும் (கடைசி சரணத்தைத் தவிர) பல்லவியுடன், சரணத்தின் கடைசி சொல்லினால் இணைக்கப்படுகின்றது. அதன்படி, 'கோரி' என்ற சொல்மட்டுமே இச்சரணத்தினை பல்லவியுடன் இணைக்கும். எனவே 'ப₂லமந்து₃ கோரி' ஏற்கப்பட்டது.
⁴ - பா₄க்₃யமா - எல்லா புத்தகங்களிலும் இப்படித்தான் கொடுக்கப்பட்டுள்ளது. ஆனால் எனது சிற்றறிவுக்குத் தெரிந்தவரை இது 'பா₄க்₃யமு தே₃ஹி தே₃ஹியனி' என்றிருக்கவேண்டும் (வைதேகியின் பேற்றினை அருள்வாய் அருள்வாய் என..). அன்றேல், கடைசியில் வரும் 'தே₃ஹி தே₃ஹியனி' (அருள்வாய் அருள்வாயென) என்ற சொற்களின் பொருள் முழுமையாக இல்லை. இதுபற்றி மேலும் விளக்கம் கீழே நோக்கவும்.
⁵ - பந்தா₂னுடை₃ன - பந்தா₄னுடை₃ன : 'பந்தா₂னுடை₃ன' - சரியான சொல்லாகும்.
Top

மேற்கோள்கள்
¹ - எக்கடை₃ன ஹரியொக்கட₃னுசு - எங்கும் அரியொருவனே என்று - பகவத்-கீதையில் கண்ணன் (அத்தியாயம் 7, செய்யுள் 19) பகர்ந்த சொற்களினை எதிரொலிக்கின்றார் -
"பல பிறவிகளுக்குப் பின்னர், மெய்யறிவுடையோன், யாவும் வாசுதேவன் (உள்ளுறை இயக்கம்) என்றுணர்ந்து, என்னிடம் அடைக்கல் புகுகின்றான். அத்தகைய சீவன் மிக்கரிதாகும்." (ஸ்வாமி ஸ்வரூபானந்தாவின் ஆங்கில மொழிபெயர்ப்பின் தமிழாக்கம்.)
⁶ - அனுராக₃முன - அனுராகம் - இறைவனிடம் கொள்ளும் காதல் - இச்சொல் நாரத பக்தி சூத்திரங்களில் விவரிக்கப்பட்டுள்ளது.
Top

விளக்கம்
⁴ - வைதே₃ஹி பா₄க்₃யமா - தியாகராஜர் தன்னுடைய 'ஏ வரமடு₃கு₃து₃ரா' என்ற கல்யாணி ராக கீர்த்தனையில் வைதேகியின் பேற்றினை வருணிக்கின்றார் -
"உன்னை எவ்வமயமும் (தனது) இதயக் கோயிலினில் கண்டு, தீய விழைவுகளைக் கைவிட்டு, நீ அவளுக்கு மணாளன் என்ற மோகத்தினையும் மறந்து, 'ஸோஹம்' (அவன் நானே) என்னும் சுகம் வைதேகியின் பாலிருக்க...." (ராமனை, தனக்கு மட்டுமே உரித்தான, கணவனாக அன்றி அனைத்துயிர்களுக்கும் கணவனான பரம்பொருளாக நோக்கும் நிலை)
Top